Лух Авт
И номас понман, рут ясӊев еӆӆы туӆэв
Там ванан Бурятия муван, Улан-Удэ вошан няврэмат рут ясӊа па литературая утаӆтаты хоятат актащисат. Ӆув кутӆаӆан кассат, хой энамты ёх ещаӆ мет нопсаӊа ясаӊ туӆ.
Россия ярсот пеӆа ӆапат мув суӊ эӆты мохет щи яӊхсат. Ӆув ванты, рупитты щирӆаӆ этаӆтыман, ӆув регионӆаӆан нох питсат. Ямал эӆты кат хоят яӊхас. Алексей Конев — Ващъёханов курт ашкуӆайн няврэмат ханты ясӊа утаӆтаӆ. Оксана Лонгортова — Охсар вошан «Хатӆые» хотан ай няврэмат шавиман рупитаӆ.
Касапса верат эӆты Оксана Лонгортова каматса ясаӊ ястас: «Касты харан кашӊ хоят этаӆтас, хоты ӆув утаӆтаты няврэмӆаӆ рут ясаӊан потарты хущсаӆӆы. Ма ай няврэмат шоши мир рут ясӊа утаӆтаты верат номинация хуват кассам. Этаӆтысам, хоты шавиты няврэмийӆам пиӆан уӆты мувев эӆты ханты ясаӊан потарӆам. Полуфинал хоща этсам.
Манэман, шоши мир потарты щират энамты хоятат оша пайтты ураӊан, тамащ актантапсайт ун онтас туӆат. Ванты, муӊ вантӆув, хоты па хоятат рупитӆат. Ӆув вантӆат, хоты муӊ пошахӆув утаӆтаӆӆув. Щиты и номас понман, рут ясаӊӆув еӆӆы туӆӆув».
Валентина Рохтымова ханшам потар
Авторы
Лух Авт
Темы