Лух Авт
Хоты кев сыӆ ханты ныңат копаӆ ӆэптамӆат
Вутн касӆыман яңхты ныңат, хат ӆыпи ропата верты томпына, холна каӆаң сох, копаӆ ӆэптамӆат. Щи юпина щи сохат эваӆт хаттэӆ тайты маса йинтасӆат.
Нярсу, ӆант па ятлапщаң, ныңат сох ӆэптамты порайна щимащ пормасат, тайӆат. Вутн, ныңат ораңна, сох ӆэптамты пора, щит ущ тыӆащ, щи порайна холна пиӆңа сэңк антам, каврам ант ол, па хуӆең ропата каман верӆа. Ӆэптамтам сохат ӆуңан камн ямас пувиӆайт.
«Ма еса лаваӆӆэм, хоты ма таӆ копӆат ӆэптамӆам. Аӆ кепа щимащ копӆат ар пелак вай йинты тахайна манӆат, сохлаӆ куӆат олдэӆ ораңна, мет такан мораӆтта масӆат.
Нярсу акатты юпина, такан йиңкна мораӆтта масӆ. Йиңки нярсу копаӆ эӆты понӆа, щи юпина такан эӆты щёктаӆаӆа. Яс иӆпина нярсу ки ант тайӆам, сайрукатна па рахал, ищи нярсу хорпи. Щиты ат сыс хойта масӆат, ӆэпатты йитэӆ юпина яталлайт па ясна ӆэптамӆайт.
Яталты порайна па ӆант холна тайӆам, щит сох сара сартаӆ ораңна, щит хой хоты онӆас», — верта хасты ның Ирина Серасхова (Неркагы) лавас.
Таӆ тайты вай ораңна ӆэптамтты копӆат, щи юпина холна ор хат ӆыпина посаңна восытӆайт, щиты ӆув сара морта ант питӆайт.
Вера Лонгортова хансам потар
Авторы
Лух Авт
Темы