Лух Авт
Хуӆ ӆэты щира ӆэщатӆув
Пулңаватан ГБПОУ ЯНАО «Ямальский многопрофильный колледж» уӆ. Щита арпелак Овс мув няврэмӆув утаӆтыӆат
Валерий Лонгортов Овкурт эӆты утаӆтыты ёхтас. Ӆув потартаӆ: «Ма техник-технолога няӆ таӆ утаӆтысам. Щимащ квалификацияйң хоят хуӆ ӆэты щира ӆэщатты щир яма уятты вераӆ уӆ.
Оӆңа утаӆтыты хотэв «Ямальский полярный агроэкономический техникум» нэм тайс. Щита хуӆам таӆ утаӆтысам. Хащам сус техникуман утаӆтыйм мохет «Ямальский многопрофильный колледж» няврэмат пиӆан яха ӆыӆатсайт. Ин колледж хоща ӆуңтасӆув.
Там товийн утаӆтыты етшасам. Ин практикайн, ищикумат практикаем манты тахайн рупитӆам. Хуӆ ӆэщатӆув, эватӆув, нёхарӆув, восытӆув. Ущ тыӆащ хольмаң пеӆа кимет хатӆ кеман дипломной рупатайӆув утаӆтаты хоятӆува этаӆтаты питӆув.
Нумасӆам, сус унты рупитты питӆам. Щаӆта армияя вохты нэпекан ки ёхатӆайм, соӆтана манты ӆовата йисам. Армия юпийн ныты питӆа, хота рупитты питӆам, мосаң еӆӆы утаӆтыты манӆам».
Валентина Рохтымова ханшам потар
Авторы
Лух Авт
Темы