Лух Авт
Хуӆ веӆман уӆ
Олег Яковлевич Тарасов папуш хольмаӊ пеӆа вет таӆа йиӆ, хоты хуӆ веӆман уӆ.
Рупатаеӆ эӆты каматса ясаӊ ястас: «Армия эӆты ёхатмем юпийн мохты хуӆ веӆты питсам. Владимир яем пиӆан ӆапатхосьяӊкем таӆ хуӆ веӆман усман. Пенсияя манмаӆ порайн, утся рупитты питсам. Яем асем иты рыбозаводан рупитас.
Асем шуӊат Яков Гаврилович Тарасов хольмаӊ таӆ, 1961-мет таӆ эӆты 1991-мет таӆ унты, Асов рыбоучасткан ар тахайн рупитас. Ӆуӊан мис хота торан сэврас, тутӆыйс. Хуӆ веӆпасӆаты тахайт эӆты хуӆ тутӆыйс, еӊк ӆэсятас, юх ӆован таӆӆыйс. Яма рупитмаӆ ураӊан, рыбозавод эӆты яртъяӊ нэпекан юкантман ус, хуӆам мойӆапсайн мойӆыса па няӆ Почётной грамотайн мийӆыса.
Ма па, асем па яем иты, Асов рыбоучасткан рупитӆам. Там ӆуӊ сыс хуӆамхосьяӊ моӆтас тонна хуӆ мосятсам. Щёхар кураман, Ас лохан, Вот каралан, Качегаткайн па Данькин ӆоран веӆпасӆыман уӆӆам. Ин тыӆась сютсяӆам па таӆ веӆпаса питӆув. Таӆан яеман нётӆайм. Хасям таӆатан таӆан хуӆ шимаӆ ус. Там пуш вантӆэв».
Альбина Тырлина ханшам потар
Авторы
Лух Авт
Темы