Лух Авт
Хуӆаӊ ёхан сыӆна, каӆаӊаӊ мувна
Ямал мув ӆуӊатты нэпек хансты ныӊ па журналист Зинаида Лонгортова мира йиӆап нэпекаӆ эттас «У рыбной реки, на оленьей земле». Щита ӆув ханты мур ӆэвпасат пущщи хансас.
Щи нэпек пунсты порайна, анта топ хорӆаӆ омщат, касӊ ӆытыт нэмаӆ па мала хорпи: «Пувлы — кавартам хуӆ пирчет», Лытап ӆант — лытап эваӆт кавартам ӆант», «Паннэ тырам — панна тырам эваӆт верам ӆэвпас».
«Там нэпекна лоӊам ханты ӆытытат, аса ма энмам таӆӆам эваӆт, ты маса ёхатсат, ма сэӊк ямас номлэм, хоты муӊ вуламэм па амэм кавартам ӆытытат ӆысу. Вуӆӆысак ювман, ӆын пеӆан вантман, ма па каварсам. Хантэт пасан эӆты лайты ӆытыт, ёхтам таӆ пора эваӆт лайс. Ӆуӊан ар пелак нави хуӆ эваӆт ӆэщатам, сусн — тохлаӊ вай па рэх, нахар, алаӊ ланщ питтаӆ юпина кутар, питы лук, таӆан ар пелак каӆаӊ нёха, товына — тохлаӊ вай па путы хуӆ. Муӊ ищки мувувна каврам мувна энамты ӆытыт кепа ант энмаӆ, хантэт пасанна иёлты нёха, камн рот рэх ол», — Зинаида Лонгортова лавас.
Йиӆап ӆуӊатты нэпек кат йит эваӆт лайӆ: ханты манщат па ханты ӆытыт каварты рецептат. Аратэӆна, сат рецепт щита лоӊман ол хуӆ, нёха, тохлаӊ вай па рэх эваӆт.
Вера Лонгортова хансам потар
Авторы
Лух Авт
Темы