Лух Авт
Хуӆам семья государственной мойӆапсаятан юкантсайт
Ямал мув уӆты хуӆам семья Россия Президент Владимир Путин ёш эӆты мойӆапса вусат. Семья щиран уӆты мет воӆаӊ хоятат «Родительская слава» орденан юкантсайт: Багдасарян семья Надым эӆты, Пырысеват Надымской район па Вокуеват Приуралье эӆты.
Там пуш хус таӆа йис, хоты Виктор па Раиса ияха уӆӆаӊан. Ӆын Пулӊават вошан яха уйтантсаӊан, щи юпийн Надым воша мантсаӊан. Ӆын ар семьяйӊ хотан энапсатан. Ханты мир уӆапса яха туӆӊан.
Каматса ясаӊ Раиса Романовна ястас: «Муӊ век ант нумассув, тамащ воӆаӊ мойӆапсайн маӆаюв. Муӊ аратаӆ ханты мир хоятат иты уӆӆув, няврэмӆув энмаӆӆув. Емаӊ хатӆатан ханты мир уӆапсаев этаӆтаӆув. Ёӆан ханты ясаӊан потарӆув па ханты пормасат верӆув. Муӊ пеӆаев вантман няврэмӆув ищиты ӆаӊхаӆайт ханты мир уӆапса шавиман тайтыя».
Няврэмӆан яма па вещката энмаӆтэӆ ураӊан Раиса ЯНАО губернатор Почётной грамотайн маса па «Материнская слава Ямала» меваӆ посан юкантса.
Аллина Тоярова ханшам потар
Авторы
Лух Авт
Темы