Лух Авт
Хутмет «Вещкат юш» лап пентса
Яң хатӆ сыс шоши мувев вошат, куртат вантман, округ кущаев Пулңавта ёхтас. Яңхтаӆ сыс хут ун вошан па вет ай куртыетан хоятат пиӆан уйтантыйс. Щёрас пеӆа хольмаң километра машинайн манас па сот пеӆа ӆапат омасты хот вантас. Катсот пеӆа хутъяң партапса верас.
Еӆпи вет пуш яңхам «Вещкат юшаӆан» ястыӆыйм партапсайт ин хоты вера тыйсат. Там пуш хот омасты рупатайт шеңк яма вантсаӆӆы. Ноябрьск вошан яӆап ашкуӆа верты ёх, хот маты хатӆ эӆты еша ёхи хащӆат. Хот омасты ёх терматсаӆӆы па рупатаеӆ щира верты партсаӆӆы.
Мохты ныӆа муй арат яӆап леккар хотат рупитты питсат. Хошам хотатан па каман уӆты касты па юращты харат ӆэщатсайт. Ай няврэмат хатӆ сыс шавиты хотат, ашкуӆайт, кванториумат, айӆат ёх актащты па каш верты хотат пуншсайт.
Округ хуват машинайн яңхты юшат яӆпитсайт, хот пуңаӆан уӆты па няврэмат ёнтты харат хорамаңа па ӆащкама версайт.
Лялян уӆты ёх па ӆув хоттэӆ хоятӆаӆ сайӆаты ураңан каматса яӆап нётапса вер этас. Округ вошӆув верам хоятат па лялян парам ёх иса нумман тайты ураңан, кащтаты харат ӆэщатсайт па кев хорат версайт.
Рупата пеӆа па ашкуӆайн утаӆтыты няврэмат касты вератан нох питтыйн, космодрома яңхты верытӆат. Полицияйн рупитты ёх воӆаң верам рупата ураңан нётапса охан маты питӆайт. Леккар хотат па ашкуӆайт мосты пормасатан тэкаптаӆайт.
Па вошат па регионат кутан Ямал мувев иса оӆңашак этаӆ. Хота тамащ нётапсайт хоӆна уӆӆат. Округ кущаев уӆты хоятӆаӆ пиӆан яха пиӆтащман, уӆапсаев кашң хатӆ ямашак верӆэӆ.
Зоя Куртямова ханшам потар
Авторы
Лух Авт
Темы