Лух Авт
Ипуш вуты ох нётапса
Тампуш кат щёрас хуӆамсот хоттэӆ няврэм сэма питты порайн охан сохаптасайт. Щи семьяйт эӆты хутъяң процент кимет па хуӆмет няврэма. 2024-мет таӆан няврэм сэма питтыйн ипуш сохаптаты ох няӆ процента эӆатӆа.
Ин маты охаӆ хут щёрса еша ант хойты эӆты ӆапатхощъяң щёрас соӆкува унты ӆоватаӆ уӆ. Яң таӆ хащас, хоты там нётты ох сохаптаты питса. Няврэм сэма питты еӆпийн антеӆ таӆаң таӆ овс мувеван ки ус, щи порайн нётапса ох ёша пайтты верытаӆ.
Хоят нётты департамент куща нэ Оксана Медынская ястас: «Шоши мувеван няврэм тайты хоттэӆата хольмаң арсыр нётапсайт ӆэщатман уӆӆат: кашң тыӆащ па таӆ ипуш маты ох, щутщаты яңхты юш охат ёхӆы сохаптаӆайт, веӆщи сэма питам няврэма сох ӆутты электронной сертификат па па нётапсайт».
Ипуш сохаптаты нётапса ох вуты ураңан Госуслуги, МФЦ, почта хуват заявление нэпек ханшты рахаӆ. Сэма питам няврэм хут тыӆащ ӆовата йиты унты мосаӆ кум шитты там ох нётапса ӆэщатты. Няврэм нэм нэпекат, анти паспортаӆ па нэпек, хота ханшман уӆ, муй арат таӆ Овас муван ӆув уӆ, щимащ нэпекат ӆэщатты мосмитӆат.
Муй хорпи нётапсайт па муй нэпекат мосӆат dszn.yanao.ru сайт хоща вантты рахаӆ па колл-центр 8 800 1000 001 потарты хошап хуват оператор инщасты.
Зоя Куртямова ханшам потар
Авторы
Лух Авт
Темы