Лух Авт
Яӆап 2024-мет таӆ пиӆан!
Пора шеңк сора хасяӆ. Ин ёхӆы пеӆа аңкармаӆа па, нэш хольмаң пеӆа хуӆам таӆ-ӆуң хасьмаӆ, хоты ханты ясаңна ханшты «Ӆух Авт» газетаев мир сэма питас.
Ханты ясаңан потарты па ӆуңатты хошты хоятӆув тумтака ат уӆӆат, яӆап таӆан муң ханты ёх газетаев па яма еӆӆы ат ӆуңатӆат. Сита рупитты хоятӆув ханшты айкеӆат-потрат, монсят-арат мосман ат тайӆэӆ. Ханты ясңан аӆ ёрэмаӆан.
Ханми па рахты хоятат, ёхатты Яӆап таӆан тумтака уӆаты, ханты редакцияя, ханты мир ясңев шавиты номас тайман, ям па ун нопсаң потрат ханшаты. Ай куртатна уӆты хоятат уӆты сирӆаӆ ки вантӆув, тащна яңхты мохиӆув уӆапса артаӆаӆув. Муй туп наң нёхта, иса наң ёша-кура вертыя мосаӆ. Хуӆэн веӆты ураңна — куӆ еңкен пухаӆӆан, вуӆыӆан тайты ураңна, щахрат кератман, куӆ ӆоньщ пуратӆан. Наң рупатаен сэр тахайн уӆ. Тухаӆ порайн курэн моса потыӆыӆа, ёшен моса певиӆыӆа — хойн шалитӆайн? Моса камн пуш сэмъйиңк муңхсыӆыӆан. Хойн уйтӆа. Муй ураңан си ӆоват шук туӆан, ханты хоятыем? Аӆ, таңха, ханты мирэн ӆыӆ, ханты мирэн уӆапса сират еӆӆы пайтты номасна.
Ин па си, рущ сиран ӆуңатман, Яӆап таӆа питӆув. Ханты мир хоятат, там таӆан тумтака ат уӆӆат. Ханты мир щащ такан саман ат тайӆэӆ. Ар йис, ар нупат мирэв уӆам сират, ям номас еӆӆы уӆтыя понман, еӆӆы ат уӆӆат.
Геннадий Кельчин, Пулңават
Авторы
Лух Авт
Темы