Лух Авт
Яӆап нётапса верӆа
Яӆап таӆ тыӆащ оӆаңмет хатӆ эӆты сот ветъяң щёрас моӆтаскем хоят автобусан яңхман тын сохаптаты ант питӆат. Щи нётапсайн ветъяң пеӆа яртъяң льготной категория хойӆа. Вош хуват хоятат тутӆыты машинайн яңхты ураңан проездной юш нэпек верты ант мосты питаӆ.
Воӆаң Лялян уӆам хоятат, нэңат, хой икиӆаӆ Воӆаң лялян паратсайт, антиӆы-ащиӆы хащам няврэмат, ин ляля манам мохет няврэмӆаӆ па па отат тын щах ант сохаптаман яңхты питӆат. Ант рупитты пиращ хоятат, ашкуӆайн утаӆтыты няврэмат па студентат хойтат семьяеӆан тыӆащ вуты охаӆ шимӆа хойӆ, муш эӆты шукащты хоятат, ляля яңхам па ар рупитам ёш нэпек тайты хоятат нётапса щиран катсот пеӆа ӆапатъяң няӆ соӆкува тыӆащ ипуш сохаптаты мосмитаӆ.
«Морошка» карта атэӆ ант верты ураңан тутхот юкана ёшан тайты «Мир» карта Госуслуги хоща ипуш ханшӆтаты мосаӆ. Па ишан нётапсайӆ ӆув сахатаӆ еӆӆы оӆӆа.
2023-мет таӆ хащам тыӆащ эӆты нётапса рахаӆ ӆэщатты. Льгота тайты округ хоятат, куш хота хоят уӆ, воша ёхаттыйн, там нётапса щирн яңхты верытаӆ. Энамты няврэмат юш яңхты нётапса антиӆаӆан-ащиӆаӆан ӆэщатӆайт.
Зоя Куртямова ханшам потар
Авторы
Лух Авт
Темы