Лух Авт
Яӆап таӆ сютсяты хатӆатан каш па умась
Яӆап таӆ емаӊ па сютсяты хатӆат антом туп няврэматан, ун хоятатан па шеӊк ӆаваӆӆайт. Ашкуӆая, рупатая манты ант мосаӆ, хувшак оӆӆан, рутӆан, ӆухасӆан пиӆан уйтантыӆан, мойӆапсайт шитӆан.
Яӆап таӆ емаӊ хатӆата вошатан па куртатан хорам, ольпаӊ хуӆ юхат ӆонсьсайт, няврэмат ураӊан еӊк харат, рэпат, ёнтты, хухатӆыты, хатэмиты тахайт версайт.
Сютсяты хатӆатан архорпи уйтантопсайт ӆэсятсайт, кинайт этаӆтасайт, вератты харат ӆарпитсайт. Пулӊават вошан «Дом ремёсел» хотан таӆаӊ ӆапат мастер-классат мантсат. Ун хоятат па няврэмат яӆап таӆ хорам хорат, пормасат, ёнттотат версат. Ям номасан, ӆув ёшӆаӆан верам пормасӆаӆ па мойӆапсайӆаӆ пиӆан ёхи маныӆысат.
Каникуӆайн няврэмиет, хой рутӆаӆ хося яӊхсат, хой хошам мува тутӆысайт. Ёӆан хасям эвет па похат, кушкепа иськи, камн ёнтман, навраӆтыман пора хайсат.
Сикем сора сютсяты хатӆат етшасат. Ар амат, каш па ой тусат.
Альбина Тырлина ханшам потар
Авторы
Лух Авт
Темы