Лух Авт
Яма утаӆтыӆат – ям рупатайн рупитӆат
Утаӆтыты таӆ щи хоӆас. Ашкуӆа етшаты няврэмат нумасӆат хоӆта еӆӆы манты, муй верты. Кашң хоят ӆаңхаӆа ям тахайн утаӆтыты, ям рупатайн рупитты. Хой округ эӆты па мува манты ант ӆаңхаӆа, рут муваӆан утаӆтыйӆ. Щи ураңан округеван колледжат уӆӆат.
Пулңаватан ГБПОУ ЯНАО «Ямальский многопрофильный колледж» уӆ. Щита арпелак Овс мув няврэмӆув утаӆтыӆат. Щи утаӆтыты хотан уӆты центр карьеры выпускников куща нэ Елена Владимировна Солдатова айкеӆ верас: «Ин нярэмӆува тыӆащкем утаӆтыты хащас. Хоӆна торӆы ястаты ант верытӆув, муй арат хоят етшаӆ, муй арат рупитты манаӆ. Экзаменӆаӆ ханшӆаӆӆаӆ, дипломной рупатайӆаӆ етшаптаӆӆаӆ, этаӆтаӆӆаӆ.
Там пуш ӆапатсот ветъяң пеӆа хут няврэм колледж етшаты вераӆ уӆ. Ветъяң пеӆа нийӆ эви па пох утаӆтыйм профессияйӆаӆ хуват рупитӆат. Утаӆтыты етшатэӆ юпийн, ӆуңан, няӆсот хольмаң пеӆа хут хоят рупитты номас тайӆ. Сот моӆтас — еӆӆы утаӆтыты манты утщиӆат. Щи тумпийн сот ветъяң пеӆа йи пох соӆтана мосаң вохӆа. Нийӆ студент практикая яңхты юпийн, целевой местая рупитты вуӆайт. Яха ки ӆуңатман, утаӆтыты етшаты хоятат эӆты, хутъяң процент рупитты питӆат.
Росстат айкеӆ щиран, муң колледжев яң утаӆтыты хот хоща ӆоңаӆ, маты таха няврэмат, утаӆтыты етшатэӆ юпийн, рупата уятӆат.
Колледжан арсыр рупата верты щира утаӆтыты рахаӆ. Яӆпа ёхатты мохиӆув арпелак леккарата манты ӆытӆайт. Щаӆта па профессионалитет щиран. Хуӆмет артан утаӆтыты манты таха — технический профиль».
Валентина Рохтымова ханшам потар
Авторы
Лух Авт
Темы