Лух Авт
Ямал губернатор Охсар похал обьектат вантыяс
Ямал губернатор Охсар похална яңхас, щита карра леккар хат йиӆап модульной щирна верам здание пеӆа касаӆта ӆэщатыяӆ. Ямал хуват итта щит мет вуӆ щимащ модульной леккар хат олта питӆ.
Йиӆап леккар хат холам модуль эваӆт верман ол, кутӆаӆна хасам переход тайӆ. Щита терапевтической па педиатрической отделение олта питӆ. Нявремат ораңна касаң палатайна ноутбук, настенной шахматат, бизиборд па па енттытат. Вуӆ нэңхэт йирна па няврем сэмна питты блок, ИВЛ, ӆыӆ сув вантты аппарат, ЭКГ, палатайт кутна таӆлиты рентген.
Итта масты ропатайт аса етсаптасайт, Центр гигиены па эпидемиологии эсты нэпек матаӆ юпина ун кер тыӆащ алаңмет хатӆатна леккар хат пунсӆа.
Щи томпына Дмитрий Артюхов энамты нэңхэт районной центр вантыяс, ӆув губернатор грант онтасна туңа-щира ӆэщатса. Нятапсы охатна щита йиӆап мебель лотса, оборудование па ремонт верса. Итта нявремат ораңна щита киберспорт, интеллектуальной ентапсэт, квартирник па проектной ропатайт питӆат. Волонтёрат ораңна щита штаб пунсӆа, щит пущщи 2021-мет таӆна манам Прямой линия порайна Диана Яндо вахас, ӆув волонтёр-леккарры ропытӆ.
Иван Сакал пиӆна воинам-приуральцам ораңна верам кев хор хоща лыптат понтсаңан. СВО хоща парам нэңхэт ораңна верам мемориальной сахал вантысңан, ӆув туняӆ ван хатӆап тыӆащна аматса.
Вера Лонгортова хансам потар
Авторы
Лух Авт
Темы