Лух Авт
Ямал мув пущщи верам онттыды пормасат
Алаӊмет классна манам нявремат Ямал мув пущщи верам онттыды пормасатна мата питсайт. «Мой Ямал. Край, в котором я живу» проект муӊ региону хуват мет алаӊ пус верса.
Щи онттыды пормасат уникальной творческой программа хуват версайт. Нявремат история онттада питӆат, Ямал мувна олты нэӊхэт щират-пищат па культура. Шимӆаӊ мир нэӊхэт тайты масайт йинтаста онттыда питӆат, ор хат акатта, хат верта па ёсат ӆэщатта, вантӆэӆ хоты мув тут йиӊк па мув шув акатӆа.
Щита ӆуӊатты нэпек лоӊас, ропытты тетрадь, блокнот, щищкан эваӆт верам театр, эвтамна эвтам веер. Щи пормасат аса хорам ӆаращ ӆыпина понман оллат — ӆыпеӆна портфель — ентты хар пиӆна. Касаӊ ӆуӊатты нэпек QR-код тайӆ, щи код хуват «Мой Ямал. Край, в котором я живу» сайт хоща питӆа, щита аудиокнигайт, вуӆӆы верам проектат па Ямал пущщи верам хор вантапсэт.
Вера Лонгортова хансам потар
Авторы
Лух Авт
Темы