Лух Авт
Ямал мувна хаттэӆ Таӆ па няврем Таӆ пунсса
Ямал мувна яӆап таӆ тыӆащ холъёңмет хатӆна Пулңаватна хаттэӆ Таӆ па няврем Таӆ пунсса. Щи ораңна Дальний Восток па Арктика верат пиӆна ропытты Хон мув министр Алексей Чекунков, Ямал губернатор Дмитрий Артюхов, муниципальной образование кощайт па ёң семья каман рот васат эваӆт яха уйтантысат.
Щита ӆув хаттэӆ щират-пищат пущщи потарсат, хоты нявремат ораңна инфраструктура ропытӆ па хоты регион хуват хаттэӆат ораңна нятапсэт ропытӆат па ропытта питӆат.
«Овс мувна хаттэӆ — алаң тахайна лайӆ. Олты хуват ях нэңху эӆты ның такӆы олапсы антам, вутн касӆыман яңхты нэңхэт эӆты щит мет такан щатӆ. Вуӆ пелак нэңхэт па хой мули олмаӆ хуват олапсы вантсаӆӆы, ӆув лавты ясңеӆ такӆы щёкат, вуламыӆу па вуӆ ащиӆу щирӆаӆ-пищӆаӆ алңищ маӆӆаӆ. Муң мувуна олты вуӆ семьяйт такӆы Хон мув лолан щиты ямас ант энмас, олапсы лолан антам ос. Там таӆ муң ар нявремаң хаттэӆат пущщи потарта питӆу, хой мала инщиста ки ӆытӆ, мала хорпи нятапсэт холна верта масӆ, щит пущщи лаваты», — Дальний Восток па Арктика верат пиӆна ропытты Хон мув министр Алексей Чекунков лавас.
«Муң ищи там таӆ Хон мув хуват пунсам таӆ, хаттэӆ Таӆӆы постасэв, щи томпына муң хощев щи няврем Таӆ лоңал. Муң там таӆу пусты ораңна нэңхэт пиӆна такали ант актащису, муң ӆытӆу нэңхэт эваӆт холта, мала хорпи нятапсэт ар нявремаң семьяйт ораңна масӆат», — Ямал губернатор Дмитрий Артюхов лавас.
Там таӆ Хон мув Президент партам щирна ар нявремаң хаттэӆат ораңна единой удостоверение верӆа, щи онтасна касаң семья ӆувиӆаӆ масты нятапсэт ӆэщатта веритӆат. Губернатор лавты ясаңна Ямал хуват еса олпа щимащ удостоверение нэңхэт эӆты артӆа, ӆув Хон мув хуват ропытта питӆ.
Вера Климова хансам потар
Авторы
Лух Авт
Темы