Лух Авт
Ямас онттыды нявремат стипендия сытта веритӆат
Ямал мувна курк тыӆащ 28-мет хатӆ маса вуӆ таха пеӆа па СПО хоща онттыды студентат, хой ямас онттыйӆ губернатор нэмпи стипендия ясна пайтты ораӊна заявление ханста веритӆат. Щи ораӊна нэпекӆаӆ онттыды тахайӆаӆна, округ департамента мата веритӆаӆӆаӆ.
Щимащ стипендия ясна пайтты ораӊна камантсы категория ӆэщатман ол. Ямал мув ашкоӆайт етсам нявремат, хой очно колледжа па вузатан онттыйӆ, алаӊ курс эваӆт касӊ тыӆащ ёӊ щёрс соӆкувая сохаптата питӆайт. Щи ораӊна алаӊ сессия ямас етсата масӆ па исследовательской, интеллектуальной маса творческой достижение хыщам кат таӆ сыс тайта.
СВО хоща олты нэӊхэт нявремат па шоши мир нявремат ораӊна щирӆ условие ӆэщатман ол. Ӆувиӆаӆ щи стипендия ораӊна, топ алаӊ курс эваӆт ямас онттыда масӆ «отлично па хорошо». Холна, Ямал мув ашкоӆайт етсам нявремат кимет курс эваӆт ищи щи категория хоща лоӊсат, топ ӆувиӆаӆ меваӆ пос тайта масӆ па очно вуӆ тахайна онттыда — образование, леккар вер па культура хоща.
Щи томпына, Волновахской муниципальной округ нявремат ищи щи стипендия вута веритӆат, хой Россия хон мув вузата ямас онттыйӆ.
Хой ашкоӆа меваӆ пос пиӆна етсасӆы па губернатор нэмпи стипендия сытас, «Ориентир Ямала» программа хоща лоӊта па пиӆтащита веритӆат. Щи онтасна, ӆув вуӆ курсата онттыман практика манта питӆат па муӊ округуна ропата канста нятӆайт.
Щимащ нятапсы Ямал мувна губернатор Дмитрий Артюхов 2020-мет таӆ эваӆт ӆэщатас, щи арат таӆ сыс щёрс молтас нявремна ясна пайтса.
Вера Лонгортова хансам потар
Авторы
Лух Авт
Темы