Лух Авт
Ямас щутщаӆысув, юр акмаӆтысув
Там пуш Пулңават вошан ЦКиС «Геолог» харан монсяң еңк вош верса. Ар хорпи рэпат, ёвра шушты юшат ӆэсятсайт. Лабиринтат, Ищкең Аки хот омасса. Хорамаңа волиты картам ёнттотат хуӆ юха тахарсайт.
Еңк эӆты эвтам монсяң хоятат па войт: Емеля кур ӆоңаӆан оӆаӆ, мойпар акев Маша эвие тонты сунан туӆӆы, Пиращ ики хоӆпа хойм сорнең хуӆыеӆ ким таӆӆаӆӆы, Иванушка мукарэң ӆовие шаншан омасаӆ, ӆунтат па па отат сита шияӆаты рахаӆ.
Сора Яӆап таӆ емаң хатӆ па сютсяты хатӆат манапсат. Няврэмиет пора хайман, еңк эӆты верам хара ёхтыӆысат: рэп эӆты хатэмисат, ёнтсат, Ищкең Аки хота ӆоңтысат, хорам ёнттотат ӆэсятсат, рутӆаӆа Яӆап таӆ пиӆан мойӆапса нэпек ханшсат, хорам хуӆ юх па туса верам рупатайт хося хорат версат.
Там лопасан сита верам хорат вантаты па кум тайты порайн, няврэмӆын пиӆан тохи яңхаты.
Альбина Тырлина ханшам потар
Авторы
Лух Авт
Темы