Лух Авт
Яммаӆтыты нётопсайт шитты рахаӆ
Округеван ястаса, муй хорпи нётопсайт ОМС полис хуват 2026-мет таӆан шитты рахаӆ. Симась программа кашӊ таӆ ӆэсятӆа. Хоятат ОМС полис па округ бюджет ох хуват охӆы яммаӆтыты верытӆат.
«Си программа хося ханшман уӆӆа, муй хорпи яммаӆтыты нётопсайт хоятат ураӊан уӆӆат. Хоӆна сита вантты рахаӆ, няврэмата, СВО хося уӆты хоятата, няврэм пеӆа уӆты нэӊата, муш тайты ёха па па отата муй хорпи па муй тахайн нётты верытӆайт», — ЯНАО депздрав ясаӊ верас.
Си тумпийн сита ясаӊ верман уӆ, муй пора сыс леккарата рупатаеӆ верты мосаӆ. Хоятат леккар ки вохсат, ӆув кат сёс сыс ёхатты верэӆ уӆ, онкология муш ӆэрапты хоятат хуӆам хатӆ сыс вантты, узкопрофильной леккарата кашаӊ хоята маты консультация па диагностика (рентген, маммография, томография, УЗИ па па отат) верты ураӊан, няӆхосьяӊ хатӆ мосмитаӆ.
Ин округ хоятат леккар хося ханшӆтантыты, вантты, муй порайн па хой хося яӊхты верэӆ уӆ, ханшӆтаман ки усат, ёхатты кум ки ант тайӆат, ханшапсайӆ нох вуты верытӆат. Сит иса МАХ мессенджер чат-бот хося ӆэсятты рахаӆ. Симась нётопса кашӊ округ хоят, хой округ леккар хота ӆуӊтасаӆ, шитты верытаӆ.
Альбина Тырлина ханшам потар
Авторы
Лух Авт
Темы