обновлено: 12:22, 09 февраля 2024
Лух Авт
Яммаӆтыты ураңан нэпекат ӆэсятты рахаӆ
Округев хуват ант рупитты хутъяң таӆ эӆты ёх хоятат па хутъяң пеӆа вет таӆ эӆты нэңат яммаӆтыты утсяты яңхты ураңан, ай тахайт потты тыӆась оӆаңмет хатӆ унты нэпекат акатты верытӆат.
Заявление нэпек «Госуслуги» порталан, МФЦ хотан ӆэсятты рахаӆ па почта хуват соцзащитая китты. Там таӆан сютсяты яңхты утситы пирась хоятат кат таӆ сыс йи пуш округ льгота вуты верытӆат. Компенсация охаӆ йи хатӆ ураңан 2 800 соӆкува унты эӆатса. Ёхӆы маты охӆаӆ 58 800 сёрс соӆкувая хойӆат, хольмаң пеӆа йи хатӆа тарамӆайт.
Ӆопхары куртан соцзащита сирн рупитты нэ Ольга Яковлевна Нахрачёва ясаң верас: «Симась нэпекат туп ант рупитты пирась хоятат маты верытӆат. Хасям таӆан хут хоят там таӆа яммаӆтыты яңхты ураңан нэпекӆаӆ ӆэсятсат, очередя ӆоңаӆсайт. Кашң хоят ӆув пирыйӆ, муй тахая манты утсийӆ. Посатам охӆаӆ ёхатты юпийн туп сохаптаӆайт. Там таӆан ки хоят ант манаӆ, папуш яӆпа нэпекӆаӆ яӆап таӆа маты верытаӆ».
Си тумпийн па льгота тайты хоятат электронной сертификат 58 800 сёрс соӆкувайң нётапса па шитты верытӆат. Си нётапса эӆты информационной киоск сайтан вантты рахаӆ па 8 800 1000 001 телефон хуват ӆэрапты.
Альбина Тырлина ханшам потар
