обновлено: 13:29, 14 июля 2023
Лух Авт
Йи номас понман няврэмӆан энмаӆсатан
Хоттэӆ емаң хатӆ постаты порайн Ӆорвош районан няӆъяң моӆтаскем таӆ вещкат уӆты хоятат мойӆапса ясаңан ястасайт. Муши вошан, яха ханшӆтантыты утхотан нийӆ щимащ хоттэӆ ус.
Мойӆаптаты хоятат кутан Леонид Иванович па Дарья Алексеевна Нензеловы. Хольмаң пеӆа нийӆ таӆа йис, хоты ӆын йи номас понман няврэмӆан энмаӆсатан, хуӆ веӆпасӆаман рупитсатан. Уӆтан хуват ар пуш мойӆапса нэпекатан па меваӆ посатан юкантыӆысайтан, туп мет ун мойӆапса вер, щит ӆын няврэмӆан. Няӆ эви па йи пох, утаӆтымеӆ юпийн, хоӆыена семьяяңа йисат, рупитӆат, няврэмӆаӆ энмаӆӆат. Леонид Иванович па Дарья Алексеевна хуӆамхощъяң хиӆы тайӆатан па ӆапат кат пушаң хиӆы. Там йисан пенсияя манман юпийн Ёхан куртан уӆӆатан.
Уйт ӆор тыӆащ кат емаң хатӆ постатыйн муң па мойӆапса ясаң китӆув. Нын вещкат па умащ уӆапсайн ёхан иты еӆӆы ат оваӆ, найң хатӆ иты хошам ат уӆ. Ай хиӆыӆанан ат амтатӆайтан, няврэмӆанан шавиӆайтан. Хув нупат уӆман тумтак уӆатан.
Зоя Куртямова ханшам потар
