Лух Авт
Йи пуш маты нётапса ох
2024-мет таӆ эӆты, шукащты няврэм энмаӆты хоятат тыӆащ ох вуты тумпийн, йи пуш нётапса ох вуты верытӆат. Там пуш округеван, ярсот пеӆа йи семья щимащ нётапса ох ёша пайтас.
Йи няврэм кеша маты охаӆ няӆъяң пеӆа хут щёрас соӆкувая хойӆ. Катан, хуӆам муй аршак шукащты няврэм энмаӆты вуйман ки уӆ, вуты охаӆ щи арата энамаӆ.
Нийӆ таӆ эӆты па уншак мушаң няврэм хота вутыйн йи пуш сохаптаты охаӆ хуӆамсот пеӆа нийӆъяң кат щёрас соӆкува арата хойӆ. Няврэм яйӆаӆ, опиӆаӆ, апщиӆаӆ пиӆан йи хоттэӆа вутыйн, охаӆ ищи щи арат питаӆ.
Катпуш хиӆы няврэм энмаӆты пиращ хоятат тыӆащ вуты пенсия охаӆ па эӆатӆа. Кашң катпуш хиӆы няврэм ураңан няӆ щёрас моӆтас соӆкува охан сохаптаты питӆа.
Нётапса ох вуты заявление нэпек «Госуслуги» порталан, МФЦ, округ хоятат пиӆан рупитты Социальной фонд России отделенияйн ханшты, аӆ па почта хуват китты рахаӆ. Щимащ айкеӆ СФР региональной отделение пресс-служба мас.
Зоя Куртямова ханшам потар
Авторы
Лух Авт
Темы