Лух Авт
Йиңк хуват яңхты метеорат рупатаеӆ етшаптаӆат
Округеван куртата яңхты метеорат ешауӆ рупатаеӆ етшаптаӆэӆ.
Транспорт па дорожной хозяйство региональной департамент ясаң эӆты, ай тахайт потты тыӆась ветхосьяңмет хатаӆ эӆты, тутаң хопат яңхты ант питӆат. Хасям яңхты юшӆаӆ:
– Пулңават-Катравош, Новый Порт-Пулңават — ай тахайт потты тыӆасян нийӆмет хатаӆан;
– Пулңават-Питӆор-Горки-Ӆопхары-Касам-Нёӆ — яртъяңмет хатаӆан;
– Пулңават-Суматвош па Яр-Сале-Панаевск-Салемал-Охсарвош-Пулңават — яңмет хатаӆан;
– Пулңават-Ӆорвош-Мужи — ихосьяңмет хатаӆан;
– Пулңават-Приобье — хутхосьяңмет хатаӆан;
Туп кат вошңан хуват, Пулңават вош эӆты Ӆапатнаңк унты па ёхӆы, Ас хуват яңхты норм яңхты питаӆ. Йиңк хуват яңхты тутаң хопат рупатаеӆ етшаптаты юпийн, таӆан ӆойты тахайӆаӆа па ӆуң сыс унты манӆат.
Альбина Тырлина ханшам потар
Авторы
Лух Авт
Темы