Лух Авт
Йис па там йис уӆапса верата постам уйтантопсайт мантсат
Тампуш Пулңават вошан си уйтантопсайт ОЦНК каш верты тахайн па национальной нэпек ӆуңатты хотан мантсат.
Ар хорпи харат ӆэсятман усат: хой яӆап этты нэпекат эӆты потрат тусат, вантопсайт этаӆтысайт, Китай муван шай йинсьты вер, нэпек эӆты верты пормасат, головоломкайт акатты сир альса, арсыр мастер-классат няврэмат па ун хоятат ураңан верман усат.
Муң тус ханты хоятӆув симась тахаятан кашң порайн ёхтам хоятат пормасат верты утаӆтаӆат. Там пуш ӆэсятам харат монсята постаман усат. Хоятат пиӆан Александра Юхлымова ермак щашкан эӆты охшам ӆэсятас, Наталья Талигина юх эӆты венш вантты от верас. Анастасия Колганова — оха понты от ӆэсятас. Ӆов эӆты верам пормасат эватсат: Семён Севли — васы, Сергей Аляба — монсяң ёнтасты ӆуй, Александр Сотруев — йинтап.
Папуш симась манты уйтантопсая ёхтыӆыяты, няврэмӆын тутӆыяты. Ханты верӆув-пищӆув еӆӆы ат уӆӆат, верты пормасӆув па мир хоятатан ат уятӆайт.
Альбина Тырлина ханшам потар
Авторы
Лух Авт
Темы