Лух Авт
Юшат ӆэщатӆайт
Хащам ятан округ ӆоватан юшат ӆэщатӆайт. Ӆуң сысэв йи тыӆщев туп хащас, щишан ертаңа па ищкия йиты унты мосаӆ тэрматыты. Юш тумпийн нови тутат таӆӆайт, хоятат яңхты юшат па ӆэщатӆайт.
Вошатан па куртатан 106 км юш яӆпитӆа. Новый Уренгойн 30 км, Пулңаватан 14 км. Вошат кутан 100 км яӆпиӆаӆа. Там рупатайт Ас потты тыӆащан питщасайт верты. Ноябрьск-Вынгапуровской юш етшаптаса. Тарко-Сале эӆты Тарасовской месторождение унты 5 км, ёхан мохты нормаӆ ищи туңа щира ӆэщатӆа.
Хоятатан машинайн артан яңхты юш Коротчаево-Новый Уренгой 2027-мет таӆан етшаптаӆа. Ныда-Понгоды юша мосты пормасат туӆайт. Щита юш па ёхан мохты нормат туңа щира ӆэщатты ураңан хуӆам таӆ мосмитаӆ.
Пангоды-Правохеттинской 3,8 км ӆэщатӆа па норам. Йи шупеӆ етшаптасэӆ. Надым-Пулңават 5 км таӆса, хонна 37 км хащас. Аратаӆан 47 км мосаӆ верты.
Пулңаватан тохӆаң хоп ӆатты хар унты яӆап юш таӆӆа. Щи веран аэропорт унты яңхты хоятата кеншак питаӆ, па сора ям юш хуват манты питӆат. Хут таӆ сыс рупата юшат 63% версайт, щит 1428 км.
Там веран кашң пуш антом туп вошаң юшӆув яма верӆайт, щи тумпийн куртаң па вошаң юшат кутӆаӆан таӆӆайт. Уӆапса йи ямашак йиӆ, манты кутэн сора сохнаӆ.
Аллина Тоярова ханшам потар
Авторы
Лух Авт
Темы