Лух Авт
Каӆаӊаӊ нэӊхэт емаӊ хатӆ нявремат ораӊна
Охсар похал ашкоӆа-интернат нявремат ораӊна ай кер тыӆащ 30-мет хатӆна «День юного оленевода» емаӊ хатӆ манас. Щита Степнянской ашкоӆа Волновахской район ДНР, Волноваха ДНР па Белгородской область эваӆт нявремат тотлисайт. Щимащ емаӊ хатӆ ӆув орӊиӆаӆна касаӊ таӆ верӆа, щи онтасна нявремат вуӆ нэӊхэт иты ёрӆаӆ артаӆата веритӆат, ёхтам нявремат па вантта хоты муӊ нявремӆу оллат.
Энамты ях нявремат кутӆаӆна кассат: охал соппы наварсат, тынщаӊ явалмисат, холам пус хуват наварсат. Ныӊ нявремат па мет хорам сахлаӆ па вайӆаӆ эттысат.
«Многоязычный голос Севера» харна нявремат ораӊна Ворӊа ими пущщи нёхты хор щирна верам йис потар эттаса, мастер-классатна нэпек эваӆт ворӊа хор эватсат. Щи томпына «В краю оленьих троп» вантапса верыӆыса, щит 8 «Г» классна онттыды Кирилл Климов хансам хорат.
«Там ай кер тылащ 30-мет хатӆна Охсар ашкоӆа-интернат нявремат хоща Белгород па Белгородской область па Донецкой народной республика эваӆт онтыды нявремат майӆата ёхтыӆысат. Ентсат, ор хатна сай енщсат, каӆаӊ яхат па ныӊат охал хощаӊна хорлал версат. Интернатна, нявремат онттыды ныӊатна емаӊ хатаӆна версайт. Ювам нявремат, ханты па ор ях нэӊхэт масаят вантсат, сахат, ваят, паркаят», — Анна Викторовна Боровикова лавас.
Ӆув кутӆаӆна Вячеслав Худи па Владислав Климов, ӆын интернат нявремат эваӆт ӆапатхощъёӊ таӆӆанна Ямал мув северной многоборье Сборной хоща лоӊман оллаӊан. Охал соппы наварты тахайна алаӊ тахайт вуйӆысӊан, районной, окружной па всероссийской касты харатна ар пус нох этыӆысӊан. Майӆата ёхтам нявремат ораӊна мастер-классат эттасӊан, хоты охал соппы наварта, тынщаӊ вощкемита, юх таӆта масӆ.
Вера Лонгортова хансам потар
Авторы
Лух Авт
Темы