Лух Авт
Канащ пухӆаң ёх уӆапса
Каматсы таӆ сайна Канащ пухаӆна муваң нэңхы Никон Николаевич Куйбин пиӆна яха ёхтыӆысам, тамащ хансапсы тывас. Никон Николаевич ӆув яра мув йир ясңаӆна потраӆ туӆӆы.
Вос ёх уӆапса
Там муватна хув пораятна олта питсув. Катра матты омиңиӆам-ащиңиӆам потар щирна канащ хоща муң йирэв митхуйи олилимаӆ. Щи порайна пентыяйна таӆӆат, каӆаңна яңхӆат.Хопты мосаят тута ным мув пеӆа яңхӆат. Нохащ хощ яңхӆат. Канащ кущайи уӆтаӆ лампа. Парӆаят: «Тута манты мосаӆ». Мосаят: хуӆат, нёхаят тута мосӆ.Таӆта сахат па олңащ таха Берёзова моса матты каӆаңна яңхыӆытэӆ. Щита Берёзова хоща ёхтаптаӆӆаӆ, щиӆта олңащ ант манӆат.Касӆыман парта йиӆат. Щиӆта па молаятна ӆэӆӆаят. Пулңават восна мосайӆаӆ ёхтаптаӆӆаӆ. Щита хыйӆаӆаӆ.
Туң юс эват
Таӆта сахат Канащ пухаӆ эват Пулңават пеӆа туң юс тайсув. Муң ащев ӆов таяс. Таӆта вутаӆта манӆ, вуӆ «трасса» пеӆа питӆ. Итта муң еңитман яңхӆув. Туң юс тай ус. Вутӆ таха эват манӆан. Тута газовая труба супи вунсӆэн па кев юсна питӆан.
Ноптаӆтыты панат эват
Катра эват уӆты ханты панат. Там ноптаӆты панӆаӆ, ма вуӆӆы ювман эват Канащ пухаӆна уӆам нэңхэтна тайсаят. Ӆапатнаңкна колхоз «Красная звезда» ус. Саранатна Корчага пан тайты питса.Там пухаӆ пуляң уӆты пан Пролетарский, таӆаңты юхат ищи саранӆаӆна вуса.
Хантэт па Канащ пухар тайсат. Наңк пан ус, щита веӆпасӆасат. Мохсаң ураңна хуӆмет пан тайсув.Щи порайна мур урхотатна олӆат. Муң ащев Наңк пан эват Ютлух нэмпи лотна веӆпасӆаты китыӆыса. Ютлух Канащ пухӆаң нэңхэт пеӆа ус.
Герман Наков ханшам потар