Лух Авт
Каркам па хорасаӊ нэӊӆув хатӆ постаӆув
Ай кер тыӆащ нийӆмет хатаӆн нэӊат емаӊ хатӆ постаӆув. Щи веран там ӆапатан кашӊ вошан, кашӊ куртан щи хатӆа постам уйтантопсайт верыӆыӆайт. Аӊкет, щащет, аӊкаӊкет, ныйт, осхет, ай эвиет нумаӆмисайт па мойӆаптысайт.
Овс мувеван нэ такӆы уӆты щир антом. Нэ аӆам кур пуӊаӆан хошам. Ӆэтот кавартаӆ, хоттэӆ хоятӆаӆ ӆэӆӆы ант хащӆат. Ӆув ёнтам ӆуматты сохӆаӆн умащ пурамты, умащ карыты. Эӆ, кур, ёш ант потӆа. Муӊ ханты нэӊӆув юх сэварты верытӆат, онас кирты артамӆат. Тус па юраӊ нэӊат онтасан ханты мир уӆапса ант хурӆаӆ. Ӆув ёнтты хорам ёӆӆаӆ иты щунев-пищев еӆӆы манты питаӆ.
Муӊ хорамаӊ ханты нэӊӆув па мир кутан еӆта ныӆайт. Охеӆа понты хорамаӊ охшамӆаӆ, шуштэӆ порайн матты ки ищимет вотан поӆӆыӆайт. Ӆув ёшӆаӆан ёнтам ханшиӆаӆ ӆыт овеӆан, порхеӆан, понэӆан па сак лопсэӆан аӆ ворӆыӆат. Картэӊ сэвӆаӆ щулиты сый онтасан еӆта щащӆат. Ан лёхиттэӆ порайн ӆуйт сыйӆаӆ па ант хурӆыӆат. Нюки па саӆтам вайӊ курыиӆаӆан ищимет кати иты пурмиӆат.
Аратаӆ нэӊата муӊ мойӆапса ясаӊ китӆув. Тумтака уӆаты, нэмоӆты порайн аӆ мушитаты. Атом вер па шук нынана ант ат хойӆ. Нын уӆапсайн тови хатӆат хорпи ат уӆ. Няврэмӆан, хиӆыӆан няхмаӊ турсыйт хотӆанан иса ат щащӆат… Емаӊ хатӆан пиӆан!
Аллина Тоярова ханшам потар
Авторы
Лух Авт
Темы