Лух Авт
Касаң таӆ ёр акатта яңхлат
Северной многоборье щёкат касапса. Ӆув вет дисциплина эваӆт ол. Щит ӆайм явалмита, юх пиӆна нёхамтыта, холам пус навармита, тынщаң явалмита па охал соппы наварта. Ар ясаң ол хоты щи касты щир этас, каман йис потар хансса.
Щиты Пулңават «Северной многоборье» ашкоӆайна яңхты ёң энамты ях па ның нявремат унт ӆор тыӆащна Тюмень лепна олды Заводоуковск васна оллат. Ӆувиӆаӆ тренируетта Денис Лонгортов манас. Ӆув мастер спорта «Северной многоборье» хуват. Ветхощъёң таӆ эваӆт щита каста питас. Алаң тахайт вус, сарнең медалят тайӆ. Щи ашкоӆайна ӆув тренер ропата тайӆ. Щи сборатна энамты нэңхэт касаң ӆуң тотлиӆайт.
Щита ӆув йиӆап йиты таӆ пеӆа ямас касты ораңна ёр акатта яңхлат. Касаң хатӆ нёхамтыӆат, тынщаң явалмиӆат, певаӆӆат, тренажёрной зална яңхлат.
Щи онтасна па йиӆап йиты таӆ хоща мет ёрң касты ях ӆувиӆаӆ эттаӆат. Щи сборат онтасна касты ях ям спортивной форма тайӆат. Шоши мир ях северной многоборье онтасна ӆув культурайӆ савийӆ, алңищ туӆӆы.
Вера Лонгортова хансам потар
Авторы
Лух Авт
Темы