Лух Авт
«Касаӆты хаттэӆ» касты хара кимет тахайна этсат
Надым васна каӆаӊаӊ нэӊхэт XXIX-мет Ямал мув Губернатор Кубок касты хар манас. Ӆорвош эваӆт тампус Роман па Светлана, холам йикан Ефим, Дмитрий, Григорий Лонгортоват хаттэӆ яӊхас. «Касаӆты хаттэӆ» касты хара кимет тахайна этсат.
Лонгортоват хаттэӆ эӆты нятта рут хоятӆаӆ яӊхсат. Холам номинация хоща кассат, щита ӆув пормасат, хаттэӆ масайт па шимӆаӊ мир йинтам сохат эттысат. Ӆаваӆсэӆ хоты Роман па Светлана хаттэӆ сэмна питас. Шимӆаӊ мир ӆытытаӊ пасан амтыӆысат па ныӊат охал эттысат.
Касты хара ныӊат охлэӆ сансна ант хыщас, майӊ нэӊхэт эӆты сэӊк самна лоӊас па щитна приз зрительских симпатий номинация сытас. Ныӊат охал эттыда Светлана вуӆ апэӆ нятас — Валентина Рохтымова.
Нийӆ таӆӆы йис хоты Светлана па Роман яха олта питман. Ӆын вутн касӆыман яӊхлаӊан, «Мужевской» сельхозпредприятие ниӆмет бригадая ропытӆаӊан.
Вера Лонгортова хансам потар
Авторы
Лух Авт
Темы