Лух Авт
Касты яңхиӆысув, мойӆантысув
Хащам ятан Сургут вошан XII Международной фестиваль «Югра» ус. Щий Пулңават эӆты Сергей Валерьевич Аляба яңхас. Муй алиӆыйс, муй верыӆыйс, щит эӆты потарсаман.
Тус ёшаң ханты хоятӆув антом туп округ ӆоватан уйтӆайт, па мув суңатна ищи. Шеңк ям, хун ӆув турамсот касапсая яңхиӆыӆат, ханты мир уӆапса мира алиӆыӆат.
«Сургут воша яңхмем порайн ма сотап версам. Юх эӆты нёхарсэм, эӆты юфть нюкийн таӆсэм. Антпа пуклайт па лакат кураңвой оңат эӆты нёхарсам. Патан ӆов эӆты верам кеши наӆ тутӆысам, сотап верам юпийн, щий метшасэм.
Там уйтантопсайн пормасат мосас иса ёшан верты, нови тут такӆы. Щи веран, туңа щира рупитсув, сорайи па хорамаңа верам пормасӆув этаӆтасӆув. Нох питам хоятӆув хоӆ мойӆаптасайт, ишакты нэпекан масайт», — Сергей Аляба ястас.
Кашң куртан вератты тус хоятат уӆӆат. Хун муң, ияха вуясман, касапсаята яңхиӆыты питӆув, щи порайн мув ӆоватан ханты мир эӆты уйтты питӆа.
Аллина Тоярова ханшам потар
Авторы
Лух Авт
Темы