Лух Авт
Кат «Алёнушка» яха пиӆтащсаңан
Муши вошан, «Алёнушка» ай няврэмат хатӆ сыс яңхты хотан рупитты нэңат Волновахской районан ищи щимащ нэм тайты садика мойӆапсайт ӆэщатсат. Щи няврэмат шавиты хот Рыбинской куртан уӆ.
Волновахской «Алёнушка» кеша ёнттотат, ӆуңатты нэпекат, няврэматан щуртам хорат па па мойӆапсайт акатсайт. Туса ёнтасты Ӆорвош район нэңат аканят ӆэщатсат па ӆапка куклайт сохан ёнтсаӆӆаӆ. Ханты ернасаң, молщаңаң па саран шарапанаң ӆуматтам рущ аканятан волновахской няврэмат ёнтты питӆат. Ӆорвош муван верам шай хошапат, овас мувев эӆты пасан суран ёнтты ёнттотат мойӆапса ӆаращата па понтсайт.
Рыбинской куртан уӆты «Алёнушка» садик щёхар тыӆащан веӆщи рупитты питас. Муң округев эӆты ёхтам хоятатан ляль порайн шукатам хот ӆэщатса. Хот ӆоңӆаӆ яӆпа лакса, яӆап ишнетан понтса, хошам туты турпайӆаӆ ёша-кура ӆэщатсайт.
«Ляль манам муван уӆты садик пиӆан муң там сохнам таӆан ай кер тыӆащан яха пиӆтащсув. Йи рупата верты нэңӆув пиӆан яха потрэмиӆув, рупата нэпекӆуван пелтащӆув. Там мойӆапса ӆаращат муң оӆаң пуш китӆув. Яха рупитты хоятӆам пиӆан акатсув. Ма нумастэман, па ишан, хатӆ сыс шавиты хота яңхты няврэмат антиӆаӆ-ащиӆаӆ ищи муң хощаев пиӆтащӆат па моӆты мойӆапсайт подшефной «Алёнушка» нэмпи садика па китӆув», — Муши вошан уӆты «Алёнушка» садик куща нэ Людмила Гавричкова ястас.
Зоя Куртямова ханшас
Авторы
Лух Авт
Темы