Лух Авт
Конкурсан нох питам хоятат ястасайт
Муравленко вошан региональной утаӆтаты хоятат касты конкурсан «Учитель года Ямала» па «Воспитатель года Ямала» номинацияйңан нох питам хоятат ястасайт. Сит — Охсар вошан няврэмат русь ясңа па литературая утаӆтаты нэ Мария Наговицына па Ӆапатнаңк вошан «Ромашка» садикан учитель-логопеда рупитты нэ Екатерина Домбровская.
Округев эӆты нох питам нэңңан сусан хон муван манты касты тахая манӆатан. Жюри ясаң эӆты, муй арат симась касапсайт округеван уӆӆысат, нэмоӆты порайн Приуральской район эӆты утаӆтыты хоятат нох ант питыӆысат.
Призёрат кутан утаӆтаты хоятат Ноябрьск па Новый Уренгой вошңан эӆты. Воспитателят хося Яр-Сале па Надым вош нэңңан этсаңан. Пулңават па Пуровской район ашкуӆайн рупитты хоятңан лауреатата йисңан. Ай няврэмат пиӆан рупитты нэңңан Ноябрьск па Муравленко вошңан эӆты пирысайңан.
Там пуш касапсайн хольмаң пеӆа хуӆам хоят касас. Хоӆ муниципальной, региональной па всероссийской конкурсатан нох питыӆысат па призовой тахаята этӆысат. Оӆаң пуш няврэмат утаӆтаты па садикан рупитты хоятат ураңан хон мув касапса хасям ят иты ӆэсятман ус.
1994-мет таӆ эӆты симась касапсайн округ касты хоятӆув ветхосьяң мет тусшак хоятат кутан усат. 2022-мет таӆан туп Ноябрьск вошан учителя рупитты нэ вет хоят кута этӆыйс.
Кашң си конкурсан касты хоятат урокат ӆэсятсат, мет яма тыйты рупатайӆаӆ эӆты потартсат па альсат.
Альбина Тырлина ханшам потар
Авторы
Лух Авт
Темы