Лух Авт
Ланьщна хоям ӆуңатты нэпек
Ащем олтаӆ хуват нэпек ӆуңатта паӆэм. Имоса порайна, ашкоӆа эваӆт юхы сосмемна, сэрак вантамсэм ланьщ ӆыпина мала нэпек таңха лап партам. Нох вусэм, паркатсэм, ёхащ мантсам, щи эваӆт «Ӆух Авт» газет мощатмем.
Юхы ювмемна, ащем эӆты катӆаптасэм, ӆув па мохты ӆуңтаста амсас. Холна сай енщта ант ӆытӆ, нэпек катӆман аӆ олыӆыяӆ. Щи юпина сэрак ӆавамтас:
— Ясаңӆаӆ артаӆата антыйи веритӆаӆӆам!
Там нэпек номан олты хабэтна хансам, шурышкарский диалектна печатаетман олмаӆ. Муң хоты Ас сыӆна олты хантэт осу, Приуральский мувна тывсу, ясңу па хорписак.
Имоса порайна асат, семьяи тэӆна амассу, «Ӆух Авт» муң ясңевна ӆэщатта. Щи есащсу па ӆуңтассу пасан сыӆна амасман, мохыӆу кутна кускепа веритсу мастата мала хансман ос.
Хой нэңхэт хансам щи порайна ясңат, ма мули ант номлэм. Ай олмемна ищи ӆытсам газет пеӆа ясңат китта. Энаммем юпина щиты па щи, хансанты пеӆа питсам. Муң ясңевна, приуральский диалектна, Ас сыӆна олты нэңхэт ясаңна.
Манэмна сэңк ям, хантэт хансанта хасӆат ки, ӆув рут ясңеӆ ощӆэӆ, нявремат онттаӆат. Ханты ясаң ӆыӆаң, хув-хув ат ол, мув олтаӆ пущщи.
«Ӆух Авт» пумащипа, нятӆан номсаң ханты нэңхэт ясңат хыйта там тащаң мувна.
Венера Яунгад хансам потар
Авторы
Лух Авт
Темы