Лух Авт
Леккара утаӆтыӆам
Ямальской многопрофильной колледжан арсыр рупата верты щира утаӆтыты рахаӆ. Яӆпа ёхатты мохиӆув арпелак леккарата манты ӆытӆайт. Щаӆта па профессионалитет щиран. Хуӆмет артан утаӆтыты манты таха — технический профиль.
Юлия Артанзеева леккара утаӆтыты вераӆ эӆты тамиты ястас: «Ма леккара утаӆтыӆам. Фельдшера питӆам. Манэм мушаң хоят щаль.
Ай тэӆан, хой муша питаӆ, иса нётты ӆаңхасайм. Апщиӆам, хой ёшаӆ нюлма йиӆ, лап ярӆэм. Еша унашак ювмеман, хой кашаңа йиӆ, портунан маӆэм.
Ванты тащ хотан энапсув, ӆуңан Кеван усув, щита леккар ванан антом. Щи пора эӆты леккар вер, портунат артаӆыты питсаӆӆам.
Там вера няӆ таӆ утаӆтысам. Утаӆтымем хуват, Пулңават леккар хотата практикая яңхиӆысам. Манэман ям ус, кашаң хоятата нётты, укол понты.
Ин фельдшер рупата каншӆам, ванты, утаӆтыты етшатэм юпийн, мохты рупитты манты».
Валентина Рохтымова ханшам потар
Авторы
Лух Авт
Темы