Лух Авт
Ляль хар эӆты ёхтыӆыты ёхӆув
Таӆа щи йиӆ хоты 2022-мет таӆан, щёхар тыӆащ ёӆта хащам хатӆатан мет оӆаң пуш ляль муват пеӆа мохиӆув тусайт. Округев эӆты щёрас арат ёх хоят туса. Щи юпийн, атэӆ щиран, хоӆна муй арат хоят манас.
Хой хоятаӆ щита уӆ, сам хошиман кашң хатӆ ӆавӆасаӆ, номас иса щиеӆ керӆаӆ. Турам пеӆа пойкащман мохиӆаӆ ёхи ӆаваӆӆаӆӆаӆ. Ӆыӆӆаӆ шавиман тумтак ат уӆӆат. Ям айкеӆ хуӆты порайн, мир арат хоят аматаӆ, кушкепа йи хоят ёхи ёхтас, рут муваӆа курӆаӆан пурамтас. Там ванан хоӆна кат пох ёхи отпуска эсаӆсайтан. Йи похие Ямкурт эӆты, ӆухсаӆ па Приуральской район эӆты. Еша ёӆан уӆӆатан па па ёхӆы манты мосаӆ.
Округ кущаев машинайн шоши мувев хуват яңхмаӆан СВО эӆты ёхтам хоятат пиӆан ищи уйтантыйс па вер сахат потартас. Щиты, лялясты харан уӆты ёх ёхи ёхтыӆытэӆ порайн, юш нэпека посатам охӆаӆ ёхӆы сохаптаӆайт. Юшан, патан туты сохӆаӆ мосты арат киӆа эӆты ара хойӆат ки — ищи охан нётты ястасайт.
Шоши мувеван СВО хоща уӆты мохет па ӆый хоттэӆ хоятӆаӆ кеша ветъяң кем нётапса вер рупитаӆ. Кашң пуш там нётапса верат еӆӆы па оӆӆайт. Нэмоӆты хоят пуңаӆан ант хайӆа.
Зоя Куртямова ханшам потар
Авторы
Лух Авт
Темы