Лух Авт
Ма ясңем юраң па тащаң
Щимащ нэмпи конкурс ханты мирэв кутан верыӆысув, хой «ӅУХ АВТ» газета ӆуңатаӆ. Округ кашң вош па курт эӆты рупатайт китман усат. Жюри туңа щиран нумасас, па мет ямшак рупатайт пирыйс.
Аратаӆ 44 рупата китман уса. Оӆаң номинацияя «Газета ма уӆапсаеман» няӆ рупата китса. Тата нох питам хоятӆув нэмат:
1. Кондыгина Екатерина Александровна (Аксарка);
2. Яунгад Венера Викторовна (Аксарка);
3. Серасхова Евдокия Езиковна (Аксарка).
Кимет номниацияя «Хорамаң ясңем Кев ёхан хорпи сыйң» хут рупата китман уса, ӆув кутэӆан мет ямшакат там хоятат уӆмеӆ:
1.Лонгортова Анжелика Станиславовна (Овкурт);
2.Тоярова Татьяна Кирилловна (Ӆоркурт);
3.Озелов Данил Семёнович (Восяхово).
Хуӆмет номинацияя «Ӆух Авт» — муң газетаев» мет ар рупата китса — 34 хоят пиӆтащас. Мосаӆ ястатыя ун пумащипа утаӆтыты нэңата, хой няврэмат партас там конкурса рупатайт китты. Нох питам няврэмат кутан:
1.Плужников Артём Игоревич (Ӆоркурт);
2.Артанзеева Светлана Юрьевна (Овкурт);
3.Шапошников Дмитрий Денисович (Ӆоркурт).
Аратаӆ ханты мирэма пумащипа ястаӆам, па ишан верты конкурсата па пиӆтащияты. Ияха понасман ханты ясңев еӆӆы туӆэв па шавиӆэв!
Китам хорат па потрат муң «Ӆух Авт» газетая па социальной сетят хоща понӆаӆӆув.
Хаӆэват Аксаркая мойӆапсайт туты манӆам, ӆавӆасаты!
Аллина Тоярова ханшам потар
Авторы
Лух Авт
Темы