Лух Авт
Мет ёраӊ ях пирыты ораӊна
Курк тыӆащ 5-мет хатӆ эваӆт 9-мет хатӆ маса Пулӊаватна северной многоборье хуват Ямал мув Чемпионат па Первенство 16-17 таӆ касты ях ораӊна манас.
Касты па ёрӆаӆ артаӆаты ораӊна Ӆорвош, Тазовской, Приуральской, Пуровской, Ямальской районат па Пулӊавт эваӆт яха актащисат. Аратэӆна 86 нэӊху ос, ӆув орӊиӆаӆна вет касты хар ӆарпитыса: щит холам пус навармиты, охал соппы наварты, юх пиӆна нёхамтыты, ӆайм вощкемиты па тынщаӊ явалмиты.
Щи касты хар мет ёраӊ ях северной многоборье хуват пирыты ораӊна верса, щи юпина ӆув Ямал мув эваӆт Россия Чемпионат па Первенство хоща каста питӆат.
Кастытат кутна мет ямас ӆувеӆ Анжелика Лонгортова эттасӆы: юх пиӆна нёхамтты тахайна холмет таха вус, тынщаӊ явалмиты па охал соппы навартты тахайӊанна — алӊищ этас, щиты, многоборье хоща юниорат кутна алаӊ таха вус. Анжелика Станиславовна Лонгортова Ӆорвош район Овкурт эваӆт ёхтыӆыйс, ӆув северной многоборье касты ашкоӆайна яӊхал, щита Василий Лонгортов ропытаӆ, энамты нявремат каста онттаӆ.
Ор яхат кутна, Ямальской район эваӆт Сергей Витальевич Лаптандер 902 охал соппы навармас па алӊищ этас.
Вера Лонгортова хансам потар
Авторы
Лух Авт
Темы