Лух Авт
Мет мосмаң охаң нэпек ёш посан понтса
Хащам ӆапатан Ямало-Ненецкой автономной округ 2024-мет па еӆӆы 2025-2026-мет таӆата региональной бюджет ёш посан понтса. Щи нэпек эӆты ныты питӆа, хоты муң еӆӆы уӆты питӆув.
Нумасӆа 342,6 млрд соӆкува ёхтаптаты, 389,6 млрд — посатты. Регионэв мет воӆаң нэпек эӆты ныӆа, хоӆта па муй арат ох кашң вер сахат эсаӆты питӆа. Мет ванан леккар верат, хот омасты щират, юш яӆпа таӆты па верты щират тайӆайт. Щи тумпийн аӆ хоятат нётопсайт па вуты питӆат. Ин ляль порайн, СВО хоща уӆты ёхӆув па ӆув семьяйӆаӆ такан нётӆайт.
Там муваң шоши хоятат ураңан нётопсайт еӆӆы рупитты питӆат. Рут ясаң шавиты, уӆапса верат еӆӆы туты ураңан ищи ох эсаӆман уӆ. Тащан яңхты ёх, хуӆ веӆпасӆаты ёх, касӆыман яңхты ёх ищи ант ёрэмаӆайт.
Там воӆаң нэпек онтасан муң еӆӆы уӆапсаев ӆойӆ. Кашң хоят ӆаңхаӆ, ӆуӆн ӆув няврэмӆаӆ, хиӆыӆаӆ яма ат усат. Щи веран муң округев еӆӆы ат энмаӆ, па тата уӆты хоятат нэмоӆты нуша ант ат вантсат.
Аллина Тоярова ханшам потар
Авторы
Лух Авт
Темы