Лух Авт
Мет сара нёхамтыты энамты нэңху
Приуральской район Охсар похална мет сара нёхамтыты энамты нэңху ол, ӆув нэмаӆ Гаврил Климов. Там ванан Гаврил Валерьевич Ивановской область Гаврилов посад васна мет хув дистанция нёхамтыта яңхас, щит 109 километра.
Щи ультрамарафон нэмаӆ «Русская тропа, ӆув «РТ100 «Лютая» дистанция пирыяс, щит сат молтас километра орат па йиңкат хуват.
Щи хуват хув ёс нёхамты ораңна Гаврил эӆты масас 13 час 10 минут па 4 секунда, щи арат мур нэңху кутна ӆув холмет таха вус. Щи томпына ӆув ван дистанция нёхамтыяс, холам километра, щита ӆув киметты этас.
«Тамащ хув дистанция нёхамты ораңна, ялан ма сэңк такан ӆэщатысам. Ма тренерам Денис Власенко, ӆув пиӆэӆна кевна яңхсаман, щита ӆув манэм онтасӆы хоты щимащ ёсат хуват нёхамтыта масӆ, ӆыӆ сув катта. Ӆэвасы нэңху тамащ хув таха ант ӆэщатыман манта ант веритӆаӆӆы», — Гаврил Климов лавас.
Туняӆ ищи щи арат нёхамтыман ӆув щи дистанция 14 час 28 минут па 17 секунд аратна мантсаӆӆы.
Вера Лонгортова хансам потар
Авторы
Лух Авт
Темы