Лух Авт
Мет тусшак, мет апраңшак хоятат постасайт
Хащам ӆаптэв па нумаӆмиӆэв. Пулңават вошан сютсяты хатӆатан оӆаң верам «Ямалица» уйтантапсайн мет тусшак, мет апраңшак сох ёнтты хоятат ястасайт. Округ вошат, куртат эӆты хоятат ёхтыӆысат па няврэм, нэ, ёх хоятат сохат этаӆтысат.
Шоши мир ёх тайты сох номинацияйн кат кимет па кат хуӆмет места ус. Сита ар хоят касас. Ханты хоятат кутан «Традиционный костюм» номинацияйн, шоши мир уӆапса шавиты па еӆӆы туты ураңан, Федосья Вылла Муравленко вош эӆты, диплом нэпекан юкатса па охан маса.
«Сценический костюм» номинацияйн, ханты хоятӆув ӆуматты сох па сирн этаӆтыты ураңан, Екатерина Конева Ӆоркурт эӆты юкантса па хольмаң сёрс соӆкувайн маса.
Ӆув каматса ясаң ястас: «Там касапсая ма Жанна эвем пиӆан ёхтыӆысам. Ӆув ханты хоятӆув тайты ернасат тутӆыйс. Сохӆаӆ ӆув ёнтсаӆӆы. Кашң хоят хуӆам ернас этаӆтыйс. Ма па ханшаң парканат эӆты, ханшийн оӆтам сахат сэвсам. Ванты, сохат этаӆтыты хоятат, ар пелак щашкан па нуй эӆты сохӆаӆ ёнтсаӆӆаӆ. Сишан таңха рупатайӆам пирысайт».
Кашң ханты нэңев туса вератты, ӆуң, муй таӆ сохат ёнтты хошаӆ. Еӆӆы пеӆа симась верты уйтантопсая хорам ханты сохӆув тутӆыяӆан па этаӆтыяӆан.
Альбина Тырлина ханшам потар
Авторы
Лух Авт
Темы