Лух Авт
Мет вуӆ ох нятапсэӆ холамсат щёрасы хайта веритӆ
Ямал мувна, тампус, волонтёр ропата верты нэӊхэт ораӊна День добровольца олты хатӆна грантовый конкурс пунсӆа. Заявка яӆап таӆ тыӆащ ветхощъёӊмет хатӆ маса китта рахал. Мет вуӆ ох нятапсэӆ холамсат щёрасы хайта веритӆ.
Щи конкурса Хон мув нэӊхэт нийӆхощъёӊ таӆ эваӆт питта веритӆат. Мет волаӊ условие — Ямал мув прописка тайта масӆ, Добро.рф па Созидатели.рф федеральной платформайӊан хоща хансантман олта па йиӆап йиты таӆ пеӆа ӆэщатты социальной проект пущщи лаваӆтта.
Щи конкурса таром верты ропата кутна хут тематической направление: нуса па незащищённой категория нэӊхэт, добровольчество развитие, нампар акатты, благоустройство па ваят савита. Щимащ грант ясна пайтта веритӆат нэӊхэт хой социокультурный проектат, ляльна яӊхам нэӊхэт ораӊна верты нятапсэт ӆэщатӆ, па Ямал мувна лавам Год героев хоща уйтантопсайт верта нятта питӆ.
Конкурсной заявка камантсы раздел эваӆт олта масӆ, проект верты коща нэм па хой ӆув командайӆ хоща лоӊал, календарный план па мала арат ох щи ораӊна масӆ.
«Щимащ таром верты ропата конкурс хоща уйтантыты порайна, нэӊхэт йи ёр понты верты ропата технология ямас мастата питӆат, хоты щит ропытӆ. Щи онтасна, тамхатӆ, добровольцат хонты кепа общественной организацияйт хоща кощайи йита веритӆат», — АНО «Гранты Ямала» коща Хизри Алхаматов лавас.
Мет ям конкурсной заявкайт ар регион эваӆт яха акатты независимой экспертатна вантыта питӆайт. Нох питты нэӊхэт нэмат курк тыӆащ 2025-мет таӆна лавӆайт. Ун кер тыӆащ алаӊмет хатӆ эваӆт па верта питӆаӆӆаӆ.
Щи конкурс олты хуват ямальской добровольцат 423 социальной проект щи китсат.
Вера Лонгортова хансам потар
Авторы
Лух Авт
Темы