Лух Авт
Москва васна Мират ияха пиӆтащиты Таӆ пунсса
Москва васна «Россия» нэмпи Шимӆаӊ мир центран просветительской марафон хоща «Россия — хаттэӆат хаттэӆ» Общество «Знание» воӆаӊ уйтантопса манас. Щита пиӆтащиты ораӊна ниӆ щёрс молтас нэӊху касӊ мув суӊ эваӆт ёхтыӆыйс. Ямал мув ищи сансна ант хыщас, аратэӆна хос нэӊху яӊхас — Овс мув шимӆаӊ мир, Россия хон мув Ассамблея, общественной организацияйт, СВО хоща лялесам ях па волонтёрат.
«Ямал мув нэӊхэт щита пиӆтащиты — воӆаӊ вер, щи онтасна Овс мув шимӆаӊ мир нэӊхэт культура эттаӆат па па мур потар туты тахайна лоӊлат, ияха пиӆтащиты вер такамтты ораӊна. Сэӊк ям холна, энамты нэӊхэт щита пиӆтащитэӆ», — региональной отделение «Россия хон мув мур тэӆ Ассамблея» председатель Галина Косыгина лавас.
Там уйтантопса Россия хон мув гимн эваӆт пунсса, аратаӆ мир нэӊхэт арита этсат. Ямал мув эваӆт щи ораӊна Кристина па Родион Пуйко яӊхсаӊан.
Ханты мир эваӆт щита пиӆтащита Елена Сибарева яӊхас, щи уйтантопса пуляӊ тамиты лаваӆ: «Россия — хоттэӆат хоттэӆ. Хащам ӆапатан Москва Хон вошеван Национальной Центр «Россия» хотан 2500-кем ӆатлы мир ӆоватан уӆты хоятат актащисат. Хота Россия хонэв Владимир Владимирович Путин там таӆ, кеша рут мират постам таӆа пуншсаӆӆы. Хоӆта ар пелак энамты хоятат актащисат. Ӆув рут ясӊеӆан потарты мират, мирэӆ тайты хорам сохат усат. Мир яха актащиям тахайн ясаӊ уйӆысат кущайт, каш хотан рупитты хоятат, юраӊ касты хоятат, ляль харан уӆам хоятат. Ӆув щи потар версат, хоты Россия ӆоватан ун онтас кашӊ рут мир вераӆ, хоты йис уӆапсаеӆ шавиман тайӆэӆ па мувеӆ аратыман па мосман тайӆэӆ. Щи тумпийн туса вератты хоятат, арыты па якты хоятат каш этаӆтысат. Щита щи ма потрэмисам Сургутской район эӆты уӆты эвеӊан Екатерина Кантерова па Ольга Тэвлина пиӆан. Ӆув рут ханты ясӊан па шоши йис уӆапсаеӆ шеӊк мосман тайӆаӆан. Ӆувиӆаӆа умащ ус щимащ потар хота яӊхтыя. Ай хоттэӆ эӆты ун мирэв еӆӆы энамаӆ па юраӊа йиӆ».
«Россия — хаттэӆат хаттэӆ» марафон — щит воӆаӊ емаӊ хатӆ, хата эттаӆа мала хорпи муӊ миру альпаӊ. Пиӆтащита ёхтам нэӊхэт ищаӆт государственной деятелят, Россия хон мув героят, касты ях, учёной па культура нэӊхэт потарсат. Нэман верам вантапсайтна шимӆаӊ мир сохат вантта рахас. Ариты па ёкты творческой мастер-классат хоща Ямал мув эваӆт «Яберена Нумги» ансамбль пиӆтащийс.
Майӆата ёхатты нэӊхэт ораӊна гастрономической яӊхапса пунсыӆыса, «Гастрономическая карта России» федеральной проект, щи ораӊна ӆытытаӊ нартапат аматсайт па шимӆаӊ мир ӆытыт ӆавемата рахас. Ӆув кутӆаӆна холна йи программа — СВО хоща яӊхам нэӊхэт воӆаӊ верат эттада.
Мета маса интерактивной проект пунсса: «Манщаӊ ӆуӊатты нэпек», миртэӆ ӆуӊатты нэпекат па муӊ региону хуват олты мет хорам тахайт кина хуват эттады таха.
Щи томпына Россия хон мув регионат ораӊна онлайн-формат хуват вуӆ творческой турсый ос: Ямал мув эваӆт «Миксер» арт-резиденция хар Ноябрьск васна ӆарпатса. Щита «Сияние Ямала» коллектив 26 нэӊху эваӆт шимӆаӊ мир як эттасат.
«Россия» нэмпи центра пиӆтащита ёхтам мур ораӊна ищи онлайн-формат хуват Овс мув шимӆаӊ мир па энамты нэӊхэт эваӆт актам «Алгоритмика» клубной формирование вуща ясаӊ китсат.
Вера Лонгортова хансам потар
Авторы
Лух Авт
Темы