Лух Авт
Мосты нэпекат тайты мосаӆ
Там порайн па яӆап вер, сита уӆты тахайт Кунавт заказника ӆуӊтасӆат, сишан нэпекӆы тохи ант эсаӆӆайн. Манты ки ӆэсятыӆан, нэпек тайты мосаӆ. Муй нэмпи хопан, муй пос тайӆ па муй арат хоят манаӆ.
Манмев порайн, Ас-Хашан си вер сирн рупитты хоятат Ӆорвош район (рыбоинспекцияйн) ёхатсаюв. Нэпекӆув вантсайт.
Сит эӆты Афанасий Сергеевич Кельчин ясаӊ верас: «Муӊ няӆ хоят рупитӆув. Ма, Владимир Григорьевич Возелов, Дмитрий Александрович Криктунов. Няӆмет хоятэв Мужийн уӆ. Хоӆна Горка вош эӆты кат хоят. Ӆув атэӆ яӊхӆат.
График хуват Большеобской заказник, Щаня ёхан, Танью (Войкары) хося рупитӆув. Тата ӆуӊ сыс кат пуш усув. Сусан па аршак яӊхты питӆув. Хуӆ, вонсямот тата акатты ант рахаӆ. Шияӆаӆув, мохты нэпек ханшӆув. Природной ресурсат округ департамент эӆты, заказник хуват яӊхты нэпекат (разрешение), тайты мосаӆ. Си еӆпийн си нэпек таӆ шупа мийӆыса. Ин туп йи ӆапта».
Хун симась тахаята яӊхӆам, самеман сикем ям. Шеӊк щаль, си ай куртатан шимаӆ хоят хасяс. Еӆӆы пеӆа, симась тахаятан уӆты ёх, тумтака ат уӆӆат, йис уӆапсаеӆ еӆӆы ат туӆэӆ.
Альбина Тырлина ханшам потар
Авторы
Лух Авт
Темы