Лух Авт
Муӊ куртэван уӆты энамты хоятӆув иси тамась касапсаята ат ёхтыӆыӆат.
Стелла Валерьевна Тришкина Ёмвош округ Белоярской район эӆты ёхтыӆыйс. Симась тахайн оӆаӊ пуш ус. Каш верты хотан няврэмат, ун хоятат пиӆан рупитаӆ.
Муй там вантопсайн вантас па хуӆас айшукие ястас: «Нэмоӆты порайн заявка нэпек там уйтантопсая ант мийӆысам, проект ант ӆэсятысам. Ты участник сирн ёхатыӆысам.
Ванзеват куртан сэма питсам па энапсам. «Овс хорамат» якты группайн куся нэӊа уӆӆам. Ханты якат якӆув. Историка утаӆтысам. Сишан рупатаем тумпийн, законодательство верат, исследовательской рупатайт сирн рупитӆам.
Ёмвош округ эӆты яртъяӊ хоят ёхтыӆыйс. Тата ма сообщество харан усам. Манэм каш энамты ёх пиӆан рупитты. Сишан, хоты рупатаем ӆув пиӆэӆан еӆӆы туты, хуӆты утсисам. Ма шеӊк ӆаӊхаӆайм, муӊ куртэван уӆты энамты хоятӆув иси тамась касапсаята ат ёхтыӆыӆат. Нэпекат ханшты па касапсаята китты ат хошсат. Ат ант еӆэмтысат. Сит муӊ няврэмӆув кутан шеӊк ныӆа.
Хоӆна потрэв тусэв, хоты ёхи ёхаттэв юпийн, рупатаев туты. Тата рупитты хоятӆув пиӆан потар версув, яха уйтантыты, верты рупатайӆув яха еӆӆы туты».
Альбина Тырлина ханшам потар
Авторы
Лух Авт
Темы