Лух Авт
Муй хорпи нётопса верӆа
Муй хорпи нётопса округеван тохӆаң хопат па йиңк хуват яңхты хопат ураңан верӆа. Господдержка пиӆан билет тынӆаӆ антом шеңк тынаңат. Яңхты хоят кашң таӆ арашак йиӆ. 2022-мет таӆан кат млн хоята хойс. Сит 124 сёрса аршак хасям таӆ эӆты.
2022-мет таӆан тохӆаң хопан ӆатты яӆап юшат пуншсайт. Вет рейс Пулңават па Новый Уренгой вошңан эӆты Горно-Алтайск унты па Пулңават, Новый Уренгой па Ноябрьск эӆты Минеральные воды унты.
2019-мет таӆ эӆты ар няврэм тайты семьяйт няврэм тохӆаң хоп билет ураңан 2500 соӆкува туп сохаптаты мосаӆ. 2022-мет таӆан 21,5 сёрас хоят си нётопса хуват билет ӆутсат. 2023-мет таӆан оӆаң кварталан 3.7 сёрас хоят си нётопса вусат.
2022-мет таӆан вертолётан пурӆыты кеншака йис. Ай куртата мохты Пулңават эӆты па ёхӆы ёхатты рахаӆ. Симась рейсат Пулңават эӆты Сеяха, Новый Порт, Мыс Каменный па Яр-Сале куртат унты пуншсайт. Йиңк хуват яңхты хопатан хасям таӆан ӆапатъяң сёрас хоят яңхас, 2051 рейс верса.
Хасям таӆан хоятат яңхты ураңан КС-162 хуӆам катер па еңк манты порайн воздушной подушкайн кат хоп ӆутман ус.
Альбина Тырлина ханшам потар
Авторы
Лух Авт
Темы