Лух Авт
Мушийн «Оленёнок» садик яӆап хот ят пуншса
Хащам хатӆатан Муши вошан «Оленёнок» садика яңхсам. Щита ай няврэмат кеша, хой 2-3 таӆа йис, яӆап хот ят пуншса. Щи ураңан ай няврэмат хатӆ сыс шавиты хот куща нэ Анна Александровна Шумская пиӆан уйтантысам.
«Оленёнок» нэмпи садик «Лучшие детские сады России» касапсая хувн пиӆтащас. Кашң пуш оӆаң тахая питаӆ. Щит эӆты Анна Александровна каматса ясаң ястас, хоты ӆув щиеӆ питсат: «Муң там касапсая хувн пиӆтащсув, мет оӆаң пуш щий 2015-мет таӆан этсув. Ма иса интернет мохты турамсот касапсайт уйтӆам па мата касапсая муй хорпи рупатайт мосӆат, иса китӆаӆӆам. Хащам таӆан региональной касапсайн хуӆамхощъяң организаций кутан ветмет тахая этсув. Нёхты хор садикев эӆты верман тайӆув, кашң пуш китыӆыӆэв. Москва воша китыӆымеван оӆаң тахая питсув, туп щит эӆты нэмоӆты ант ханшиӆыса. Хуӆам ӆапат телевидение хоща ӆарңаӆса. Щи тумпийн презентация щиран верты рупатайӆув, хорӆув китӆаӆӆув. Кашң пуш социальной сеть хуват потрат па хорат понӆув. Хоты аңкет-ащет пиӆан рупитӆув, мата касапсаян усув.
«Оленёнок» пуншам порайн, сот хус няврэм яңхты питыӆыйс. Ин па 186 няврэм яңхаӆ. Номас понтсув па, яӆап хот ят омассув. Тата йи таӆ ӆоват няврэмат уӆты питӆат. Ванты ӆув шеңк айт, щишан мет ямас сайӆаты мосӆат. Тата леккар нэңев тумпийн па мосты хоятат иса там хот ятан уӆӆат. Щишан, яӆап хотэван 2-3 таӆ ӆоват няврэмат ураңан кат группа верман уӆ.
Муң па организацияйт пиӆан, щит музей, образование па па хорпи отӆув пиӆан нэпек ханшӆтаман тайӆув. Кутӆуван ияха рупитӆув. Муң хощаев музыкальной ашкуӆа эӆты хоятат няврэмат пиӆан рупитты ёхтыӆыӆат. Щи веран, шеңк ям».
Ин яӆап хот ятан уӆты няврэмата шеңк ӆащкам, хотэӆ хорам. Няврэмат ӆаңхаман аӆаңсахат нох верӆаӆат па садика манӆат. Тумтака ат уӆӆат па аматман ёнтты хотэӆа ат яңхӆат!
Аллина Тоярова ханшам потар
Авторы
Лух Авт
Темы