Лух Авт
Нарасӆыты касты хар верӆа
Курк тыӆащ хутмет хатӆ эӆты ихощъяңмет хатӆ унты «Симфония Ямала» очной тур верӆа. Тамащ ун касты хара сот ветъяң пеӆа хут заявка нэпек яртъяң хон мув эӆты ёхтас.
Муң мувев тумпийн Китай, Тайвань, Япония, Колумбия, Франция, Республика Беларусь, Узбекистан па Казахстан эӆты нарасӆыты няврэмат касты рупатайӆаӆ китсаӆӆаӆ.
Там ванан нёхты хор китам рупатайт вантты питӆайт па ветхощъяң рупата туп пирыӆа. Щи хоятат «Симфония Ямала» касты хара округева ёхатӆат.
«Ӆавӆасты анта шеңк хув хащас. Ма оӆаң рупатайт вантты питщасам. Китам рупатайт шеңк ямат. Няврэмат тусаңа нарасӆыӆат. Тухаӆ эвет-похат па мув касты харата нарасӆыты па яңхиӆымеӆ. Нарасъюхӆаӆан ёнтты щиран щит ям вер», ¬– касты вер куща Денис Мацуев ястас.
Зоя Куртямова ханшам потар
Авторы
Лух Авт
Темы