Лух Авт
Нийӆмет фестиваль манас
Хасям ӆапатан Хон Петра вош пуңаӆан Гатчина вошан нийӆмет хон мув шоши мир ёх фестиваль манас. Си уйтантапса хон мув Народной творчество Поленово нэмпи хотан кат таӆ йи пуш верӆа.
Нийӆ регион эӆты: водь, ижоры, вепсы, сето, нганасаны, урат, хантэт, охалят, бесермяне па саами мир хоятат ёхтыӆысат. Кашң хоят ӆув тайты сохӆаӆ, пормасӆаӆ альсат, сэвты, каратты, аканят ӆэсятты, щашканан ёнтты (вышивка) мастер-классат версат па уӆты мувеӆ этаӆтысат. Фестивалян уӆам хоятат русь этнографической музей па вош вантты тутӆысайт.
Кашң порайн хоятат яӆап вошан уйтантыӆат. Симась уйтантапсайт, шоши мир ёх хоттэӆӆаӆ вератты сирӆаӆ еӆӆы туты ураңан, ӆэсятӆайт. Си тумпийн ёхтам мохет потар тусат, хоты уӆты тахайӆаӆ хося симась рупата манаӆ. Хоты ун хоятат няврэмата си верат этаӆтыӆат па вератты утаӆтаӆат.
Муң округев эӆты Елена Александровна Рыбина па Ирина Геннадьевна Окотэтто яңхсаңан. Ирина Геннадьевна сита хуӆ поням эӆты ёнтам хирыет этаӆтыйс. Мойң хоятата аляс, хоты симась сох эӆты арсыр пормасат верты рахаӆ. шоши мир ёх хоттэӆӆаӆ вератты сирӆаӆ еӆӆы туты ураңан, ӆэЕлена Александровна ӆув этаӆтыты пормасӆаӆ эӆты каматса ясаң тус: «Си тахая ма ёнтты сохӆам тутӆысам. Хуӆам комплект ӆэсятсам: няврэм сохат, иса ёшан ёнтман нуй сах па ӆуңан тайты сохат. Ма ӆувеӆ поры верты комплекта аяӆӆэм. Тохи ернас, охшам, картэң сэв, кура ӆуматты сэвам вайт па нират ӆоңаӆман уӆӆат. Ёмвош округ Касам мув хантэт тайты ернасат сирн ернасэм ёнтсэм.
Си тумпийн няӆ хоттэӆэв тайты ур хират тутӆысам. Мет катра, ун аңкем хир, 1930-мет таӆатан ёнтман ус. Аңкем, ма па ма эвем тайты ур хират. Хоӆна ма мойң хоятата альсам, хоты щащкан эӆты щашкан ханши па сак ёнтӆа».
Альбина Тырлина ханшам потар
Авторы
Лух Авт
Темы