Лух Авт
Няврэм таӆ постаман, верӆув ант етшаӆат
2024-мет таӆ округеван «Няврэм таӆа» постаман уӆ. Щёхар тыӆащ оӆаңмет хатаӆан яӆап утаӆтыты таӆа йитаӆан, яма ныӆа, няврэмат кеша, муй ям вер верман ус.
Округев таӆаңа вутыя ки, кашң вошан, кашң куртан хот омасты рупата манаӆ. Еӆпи хатӆ сыс шавиты хота няврэм матыя хуӆам таӆ, муй па аршак ӆавӆасты мосас, ин па кимет таӆ шуп эӆты няврэмат садика вуӆайт. Веӆщи сэма питам няврэмиет сох ӆаращан мойӆаптаӆайт, номас шавиты ураңан хора вуӆайт.
Тухаӆ эвет-похат вер ант уятӆат, муй хорпи еӆпи паварт эӆты верам ашкуӆайт усат. Там йис няврэмат аматман хорамаң, ӆащкам, яӆап ашкуӆаята хухаӆман манӆат. Ин па яӆап щир верса, аңки-ащи рупатайн уӆтэӆ сыс, няврэмеӆ таӆаң хатӆ ашкуӆайн уӆты верытаӆ. Урокат етшаты юпийн няврэм ӆапатӆа, ёхи мийм рупатайӆ щита верӆаӆӆы па моӆтас каш верты харата яңхаӆ. Аңкия-ащия ант мосаӆ нумастыя, хота пошхиеӆ утща шушиӆыйӆ.
Уншак эвет-похат арсыр олимпиадайт ханшман, касты харатан па уйтантопсаятан нох питман мойӆапса охан сохаптаӆайт, ун вошат па па хон муват вантты па ясаң утаӆтыты тутӆыӆайт. Воӆаң утаӆтаты хоятат пиӆан уйтантыӆат. Ашкуӆа классат ошаң, номпсаң пормасатан тэкаптаман уӆӆат. Тэӆые яӆап касты, ёнтты харат, юращты па ӆох шавиты хотат пуншсайт. Муй нопса ёхатаӆ, щиеӆ пеӆа рахаӆ яңхты, касты, утаӆтыты, щутщаты, туп каш тайман утаӆтыя.
Рупата пеӆа яма утаӆтыты эвет-похат Губернатор стипендия охан маӆайт. Тухаӆ няврэмат «Мурах» карта хуват ӆуматты сох ӆутты верытӆат. Профессионалитет программа хуват эӆты ӆаваӆман рупатая ӆоңты унты туӆайт. Рупатаеӆ пеӆа утаӆтыман, касты харата яңхӆат.
«Хоттэӆан энамты няврэм, щит мет воӆаң мойӆапса. Кашң хотан няврэм нях щащаӆ ки, щи порайн уӆапсаев еӆӆы хатаӆ. Утаӆтыты па энамты вер кена верман, там энамты няврэмат еӆлы туты уӆапсаеӆ мет ошаңа верӆэӆ», — округ кущаев ястас.
Зоя Куртямова ханшам потар
Авторы
Лух Авт
Темы