Лух Авт
Нявремат пиӆна ропытты нэңхэт ораңна
Хой нявремат пиӆна ропытты тахайна мет вуӆ вклад верас, премия сытты ораңна заявка китты пора пунсса. Щимащ премия классный руководителят па няврем онттады нэңхэт сытта веритӆат, хой нявремат воспитание пиӆна ропытӆ.
Каста ӆытты нэңхэт нэпекӆаӆ ЯНАО департамент образование хоща китта масӆат щёхар тыӆащ ёңмет хатӆ маса.
Яха акатты нэпекат топ местной самоуправление орган па колледжа кощайи олты нэңхэт китта веритӆат: электронной щирна — ГИС «Образование Ямала» хоща, нэпекӆаӆ па ЯНАО департмент хоща китта.
Щита касты ораңна нэңху щи ропатайӆ хоща ёң таӆ стаж тайта масӆ, щи томпына классный руководителя па куратора холам таӆ ропытта. Ашкоӆа коща советника па нявремат воспитание пеӆа ропытты нэңхэт па йи таӆ стаж тайта.
Нох этты нэңхэт премия тынаӆ — хоӆмаң пеӆа вет щёрс, диплом па меваӆ пос, щит аса нявремат онттады нэңхэт емаң хатӆна ӆувиӆаӆ майӆата питӆайт.
Щи премия «За большой вклад в воспитание обучающихся» Ямал мув губернатор 2021-мет таӆна ӆэщатсаӆӆы. Холам таӆ сыс 110 премия маса.
Вера Лонгортова хансам потар
Авторы
Лух Авт
Темы